The Canterbury Tales: General Prologue & Frame Story
Our Hooste saugh wel that the brighte sonne
The ark of his artificial day hath ronne
The ferthe part, and half an houre and moore
(Man of Law's Introduction 1 – 3 & ff)
Lordynges, the tyme wasteth nyght and day,
And steleth from us, what pryvely slepynge,
And what thurgh necligence in oure wakynge,
As dooth the streem that turneth nevere agayn,
Descendynge fro the montaigne into playn.
(Man of Law's Introduction 20 – 24)
Wel kan Senec and many a philosophre
Biwaillen tyme moore than gold in cofre;
For 'Los of catel may recovered be,
But los of tyme shendeth us,' quod he.
It wol nat come agayn, withouten drede,
Namoore than wolde Malkynes maydenhede,
Whan she hath lost it in hir wantownesse.
(Man of Law's Introduction 25 – 31)