The Canterbury Tales: The Knight's Tale
'Syn that I may nat seen you, Emelye,
I nam but deed, ther nys no remedye.'
'What is mankynde moore unto you holde
Than is the sheep that rouketh in the folde?
For slayn is man right as another beest
And whan a beest is deed, he hath no peyne,
But man after his deeth moot wepe and pleyne.'
'And over al this, to sleen me outrely,
Love hath his firy dart so brennyngly
Ystiked thurgh my trewe careful herte,
That shapen was my deeth erst than my sherte.
Ye sleen me with youre eyen, Emelye!
Ye been the cause wherfore that I dye.'