The Canterbury Tales: The Knight's Tale
'Right as ther dyed nevere man,' quod he,
'That he ne lyvede in erthe in som degree,
Right so ther lyvede never man,' he seyde,
'In al this world that somtyme he ne deyde.'
'This world nys but a thurghfare ful of wo,
And we been pilgrymes passynge to and fro.
Deeth is an ende of every worldes soore.'
'Of man and womman seen we wel also,
That nedeth, in oon of thise termes two –
This is to seyn, in youthe or elles age –
He moot be deed, the kyng as shal a page.
Som in his bed, som in the depe see,
Som in the large feeld, as men may se;
Ther helpeth noght, al goth that ilke weye,
Thanne may I seyn that al this thyng moot dye.'
Thanne is it wysdom as it thynketh me
To maken vertue of necessitee,
And take it weel, that we may nat eschue;
And manely, that to us alle is due.
And who so gruccheth ought, he dooth folye,
And rebel is to hym that al may gye.