The Canterbury Tales: The Knight's Tale
I wrecche, which that wepe and waille thus,
Was whilom wyf to kyng Cappaneus,
That starf at Thebes – cursed be that day! –
And alle we that been in this array
And maken al this lamentacioun,
We losten alle oure housbondes at that toun,
Whil that the seege theraboute lay.
[He] swoor his ooth, as he was a trewe knyght,
He wolde doon so ferforthly his myght
Upon the tiraunt Creon hem to wreke,
That all the peple of Grece sholde speke
How Creon was of Theseus yserved,
As he that hadde his deeth ful wel deserved.
To ransake in the taas of bodyes dede,
Hem for to strepe of harneys and of wede,
The pilours diden bisynesse and cure,
After the bataille and disconfiture.