The Canterbury Tales: The Knight's Tale
[…] 'Doghter, stynt thyn hevynesse.
Among the goddes hye it is affermed,
And by eterne word writen and confermed,
Thou shalt ben wedded unto oon of tho
That han for thee so muchel care and wo.'
'The Firste Moevere of the cause above
Whan he first made the faire cheyne of love,
Greet was th'effect, and heigh was his entente;
Wel wiste he why, and what therof he mente.'
'What maketh this, but Juppiter the kyng,
That is prince and cause of alle thyng
Convertynge al unto his propre welle
From which it is deryved, sooth to telle,
And heer-agayns no creature on lyve
Of no degree availleth for to stryve.'