The Canterbury Tales: The Knight's Tale
He cast his eye upon Emelya,
And therwithal he bleynte, and cryede 'A!'
This prison caused me nat for to crye,
But I was hurt right now thurgh-out myn ye
Into myn herte, that wol my bane be.
The fairnesse of that lady, that I see
Yond in the gardyn romen to and fro,
Is cause of al my criyng and my wo.
'I noot wher she be womman or goddesse,
But Venus is it, soothly as I gesse.'
And therwithal, on knees doun he fil,
And seyde, 'Venus, if it be thy wil,
Yow in this gardyn thus to transfigure
Bifore me, sorweful wrecched creature,
Out of this prisoun helpe that we may scapen!'