The Canterbury Tales: The Knight's Tale
[He] swoor his ooth, as he was trewe knyght,
He wolde doon so ferforthly his myght
Upon the tiraunt Creon hem to wreke,
That all the peple of Grece sholde speke
How Creon was of Theseus yserved,
As he that hadde his deeth ful wel deserved.
'It nere,' quod he, 'to thee no greet honour
For to be fals, ne for to be traitour
To me, that arn thy cosyn and thy brother,
Ysworn ful depe, and ech of us til oother,
That nevere for to dyen in the peyne,
Til that the deeth departe shal us tweyne,
Neither of us in love to hyndre other,
Ne in noon oother cas, my leeve brother,
But that thou sholdest trewely forthren me
In every cas, as I shal forthren thee,--
This was thyn ooth, and myn also certeyn,
I woot right wel thou darst it nat withseyn.'
'Wostow nat wel the olde clerkes sawe
That "who shal yeve a lovere any lawe?"
Love is a gretter lawe, by my pan,
Than may be yeve of any erthely man.
And therefore positif lawe and swich decree
Is broken al day for love in ech degree.' (305-310)