The Canterbury Tales: The Knight's Tale
This was the forward, pleynly for t'endite,
Bitwixen Theseus and hym Arcite,
That if so were that Arcite were yfounde
Evere in his life, by day or nyght or stounde,
In any contree of this Theseus,
And he were caught, it was acorded thus,
That with a swerd he sholde lese his heed;
Ther nas noon oother remedie ne reed.
Now artow hent that lovest my lady so,
For whom that I have al this peyne and wo,
And art my blood, and to my conseil sworn,
As I ful ofte have seyde thee heerbiforn,
And hast byjaped heere duc Theseus,
And falsly chaunged hast thy name thus.
'Have heer my trouthe; tomorwe I wol nat faille
Withoute wityng of any oother wight
That heere I wol be founden as a knyght,
And bryngen harneys right ynough for thee,
And ches the beste, and leef the worste for me.
And mete and drynke this nyght wol I brynge
Ynough for thee, and clothes for thy beddynge;
And if so be that thou my lady wynne,
And sle me in this wode ther I am inne,
Thow mayst wel have thy lady as for me.'