The Canterbury Tales: The Knight's Tale
Thanne may men by this ordre wel discerne
That thilke Moevere stable is and eterne.
Wel may men knowe, but it be a fool,
That every part deryveth from his hool;
For nature hath nat taken his bigynnyng
Of no partie nor cantel of a thyng,
But of a thyng that parfit is and stable,
Descendynge so til it be corrumpable.
And therfore, of his wise purveiaunce,
He hath so wel biset his ordinaunce,
That speces of thynges and progressiouns
Shullen enduren by successiouns,
And nat eterne, withouten any lye.