The Canterbury Tales: The Knight's Tale
'But for as muche thou art a worthy knyght,
And wilnest to darreyne hire by bataille,
Have heer my trouthe; tomorwe I wol nat faille
Withoute wityng of any oother wight
And if so be that thou my lady wynne,
And sle me in this wode ther I am inne,
Thow mayst wel have my lady as for me.'
[…] 'Wheither of yow bothe that hath myght,
This is to seyn, that wheither he, or thow
May with his hundred, as I spak of now,
Sleen his contrarie, or out of lystes dryve,
Thanne shal I yeve Emelya to wyve
To whom that Fortune yeveth so fair a grace.'
And right so ferden they with Palamon,
With hym ther wenten knyghtes many on.
Som wol ben armed in an haubergeoun,
In a bristplate, and in a light gypoun,
And som wol have a paire plates large,
And som wol have a Pruce sheeld, or a targe,
Som wol ben armed on hir legges weel,
And have an ax, and somme a mace of steel.