The Canterbury Tales: The Knight's Tale
Ther maistow seen comyng with Palamoun,
Lygurge hym-self, the grete kyng of Trace.
Blak was his berd, and manly was his face.
Hise lymes grete, hise brawnes harde and stronge,
Hise shuldres brode, hise armes rounde and longe;
An hundred lordes hadde he in his route,
Armed ful wel, with hertes stierne and stoute.
(1270-1273, 1277-1278, 1295-1296)
With Arcita, in stories as men fynde,
The grete Emetreus, the kyng of Inde.
Upon a steede bay, trapped in steel,
Covered in clooth of gold dyapred weel,
Cam ridynge lyk the god of armes, Mars.
'And wel I woot, er she me mercy heete,
I moot with strengthe wynne hir in thep lace.
And, wel I woot, withouten help or grace
Of thee, ne may my strengthe noght availle.
Thanne help me lord, tomorwe, in my bataille.'