The Canterbury Tales: The Knight's Tale
'Have mercy on oure wo and oure distresse,
Some drope of piteee thurgh thy gentillesse
Upon us wrecched wommen lat thou falle;
For certes, lord, ther is noon of alle,
That she ne hath been a duchesse or a queene.
Now we be caytyves, as it is wel seene.'
'But I was hurt right now thurgh-out myn ye
Into myn herte, that wol my bane be.
The fairnesse of that lady, that I see
Yond in the gardyn romen to and fro,
Is cause of al my criyng and my wo.'
He wepeth, wayleth, crieth pitously,
To sleen hymself he waiteth prively.
He seyde, Allas that day that he was born!
'Now is my prisoun worse than biforn;
Now is me shape eternally to dwelle
Nat in purgatorie, but in helle.'