The Canterbury Tales: The Miller's Tale
This carpenter hadde wedded newe a wyf
Which that he lovede more than his lyf;
Of eightetene yeer she was of age.
Jalous he was and heeld hire narwe in cage,
For she was wilde and yong, and he was old
And demed himself ben lyk a cokewold.
Nicholas shal shapen him a wyle
This sely jalous housbond to bigyle;
And if so be the game went aright,
She sholde slepen in his arm al night.
For som folk wol ben wonnen for richesse,
And som fro strokes, and som for gentilesse.