Le Morte D'Arthur
"Well I am sure there hath one of hir hurte knyghtes layne with her thys nyght; and that woll I prove with myne hondys, that she ys a traytroures unto my lorde Kynge Arthur." "Beware what ye do," seyde Sir Launcelot, "for and ye sey so and wyll preve hit, hit woll be takyn at youre handys." "My lorde, Sir Launcelot," seyde Sir Mellyagaunce, "I rede you beware what ye do; for thoughe ye ar never so good a knyght – as I wote well ye are renowmed the beste kynght of the worlde – yet shulde ye be avysed to do batayle in a wrong quarell, for God woll have a stroke in every batayle."
"As for that," seyde Sir Launcelot, "God ys to be drad. But as to that I say nay, playnly, that thys nyght there lay none of thes ten knyghtes wounded with my lady, Quene Gwenyver; and that woll I prove with myne hondys, that ye say untrwely in that." (634.21-33)
"For Sir Launcelot ys an hardy knyght, and all ye know that he ys the beste knyght among us all; and but if he be takyn with the ded he woll fyght with hym that bryngith up the noyse, and I know no knyght that ys able to macch hym. Therefore, and hit be sothe as ye say, I wolde that he were takyn with the dede." (647.36-40)
So than there was made grete ordynaunce in thys ire, and the Quene must nedis be jouged to the deth; and the law was such in tho dayes that whatsomever they were, of what astate or degré, if they were founden gylty of treson there shuld be none other remedy but deth, and othir the menour other the takynge wyth the dede shulde be cause of their hasty jougement. (654.45-655.4)