Le Morte D'Arthur
And anone the clamoure was howge aboute all the contrey, and then they wente withone voyse tofore the Kynge and thanked God and hym that their enemy was destroyed.
"All thanke ye God," seyde Arthur, "and no man ellys" (125.16-19)
So forth the wente wyth the Kynge, tho knyghtes of the Rounde Table. Was never kyng nother knyghtes dud bettir syn God made the worlde: they leyde on with longe swerdys and swapped thorow braynes; shyldys nother no shene armys myght hem nat withstonde tyll they leyde on the erthe ten thousand at onys. (135.46-136.5)
Sone aftir that Kynge Arthure was com from Rome into Ingelonde, than all the knyghtys of the Rounde Table resorted unto the Kynge and many joustys and turnementes. And som there were, that were but knyghtes, encresed in armys and worshyp and that was well proved on many. But in especiall hit was preved on Sir Launcelot du Lake, for in all turnementes, justys, and dedys of armys, both for lyff and deth, he passed all other knyghtes – and at no tyme was he ovircom but yf hit were by treson other inchauntement. (151.33-43)