Le Morte D'Arthur
"Hit doth me good to fele your myght. And yet, my lorde, I shewed nat the utteraunce."
"In Goddys name," seyde Sir Launcelot, "for I promyse you be the fayth of my body, I had as muche to do as I myght have to save myself fro you unshamed – and therefore have ye no dought of none erthely knyght." (182.8-13)
"Alas," she seyde, "that ever suche a kychyn page sholde have the fortune to destroy such two knyghtes! Yet thou wenyste thou haste done doughtyly? That is nat so, for the fyrste knyght his horse stumbled, and there he was drowned in the watir, and never hit was be thy force nother be thy myghte; and the laste knyght, by myshappe thou camyste behynde hym and by myssefortune thou slewyst hym." (184.17-23)
He sente yonge Trystram with Governayle into Fraunce to lerne the langage and nurture and dedis of armys. And there was Trystram more than seven yere.
So whan he had lerned what he myght in tho contreyes, than he com to his fadir Kynge Melyodas agayne. And so Trystram lerned to be an harper passyng all other, and there was none suche called in no contrey; and so in harpynge and on instrumentys of musyke in his youthe he applied hym for to lerne. And aftir, as he growed in myght and stregnth, he laboured in huntynge, and in hawkynge – never jantylman more that ever we herde of. (231.5-15)