Le Morte D'Arthur
"For this muche have I founde in the cronycles of this londe: that Sir Belyne and Sir Bryne, of my bloode elders, that borne were in Bretayne, and they hath ocupyed the empyreship eyght score wyntyrs;
"And aftir, Constantyne our kynnesman conquerd hit – and dame Elyneys son, of Ingelonde, was emperoure of Roome – and he recoverde the crosse that Cryste dyed uppon;
"And thus was the Empyre kepte be my kynde elders, and thus have we evydence inowghe to the empyre of hole Rome." (115.18-26)
So evir the Kynge had a custom that at the feste of Pentecoste in especiall, afore other festys in the yere, he wolde nat gho that day to mete unto that he had herde other sawe of a grete mervayle.
And for that custom, all maner of strange adventures com byfore Arthure, as at that feste before all other festes. (177.21-26)
The custom of that castell was suche that who that rode by the castell and brought ony lady wyth hym, he muste nedys fyght with the lorde that hyght Brewnour. And yf hit so were that Brewnor wan the fylde, than sholde the knyght straunger and his lady be put to deth, what that ever they were; and yf hit were so that the straunge knyght wan the fylde of Sir Brewnor, than sholde he dye and hys lady bothe. So this custom was used many wyntyrs, wherefore hit was called the Castell Plewre – that is to sey, "the wepynge castell." (257.12-20)