The Canterbury Tales: The Wife of Bath's Prologue
We wommen han, if that I shal nat lye
In this matere a queynte fantasye;
Wayte what thyng we may nat lightly have,
Therafter wol we crie al day and crave.
Forbede us thyng, and that desiren we;
Preese on us faste, and thanne wol we fle;
With daunger oute we al oure chaffare.
Greet prees at market maketh deere ware,
And to greet cheep is holde at litel prys;
This knoweth every womman that is wys.