The Canterbury Tales: The Wife of Bath's Prologue
Th'Apostel, whan he speketh of maydenhede,
He seyde that precept therof hadde he noon.
Men may conseille a womman to been oon,
But conseilling is no comandement:
He putte it in oure owene jugement.
An housbonde I wol have, I wol nat lette,
Which shal be both my dettour and my thral,
And have his tribulacioun withal
Upon his flessh, wyl that I am his wif. (160-163)
I have the power duringe al my lyf
Upon his propre body, and noght he:
Right thus th'Apostel tolde it unto me,
And bad oure housbondes for to love us weel.
Al this sentence me lyketh every deel.