The Canterbury Tales: The Wife of Bath's Prologue
So that clerkes be nat with me wrothe,
I sey this, that they maked been for both –
This is to seye, for office, and for ese
of engendrure, ther we nat God displese.
Why sholde men elles in hir bokes sette
That man shal yelde to his wyf hire dette?
Now wherwith sholde he make his payement
If he ne used his sely instrument?
I nil envye no virginitee:
Lat hem be breed of pure whete-seed,
And lat us wyves hoten barly-breed.
And yet with barly-breed, Mark telle can,
Oure Lord Jesu refresshed many a man.