The Canterbury Tales: The Wife of Bath's Prologue
By this proverbe thou shalt understonde,
Have thou y-nogh, what that thee recche or care
How merily that othere folkes fare?
For certeyn, olde dotard, by youre leve,
Ye shul have queynte right y-nough at eve.
He is to greet a nigard that wol werne
A man to lighte a candle at his lanterne;
He shal have never the lasse light, pardee.
Have thou y-nough, thee nar nat pleyne thee.
For al so siker as cold engendreth hayl,
A likerous mouth moste han a likerous tayl.
In wommen vinolent is no defense,
This knowen lecchours by experience.