The Canterbury Tales: The Wife of Bath's Prologue
The thre men were goode, and riche, and olde;
Unnethe myghte they the status holde
In which that they were bounden unto me –
Ye woot wel what I meene of this, pardee!
As help me God, I laughe whan I thynke
How pitously a-nyght I made hem swynke.
And, by my fey, I tolde of it no stoor,
They had me yeven hir gold and hir tresoor.
I governed hem so wel after my lawe,
That ech of hem ful blisful was, and fawe
To brynge me gaye thynges fro the fayre.