The Canterbury Tales: The Wife of Bath's Prologue
Thou seist to me, it is a greet meschief
To wedde a povre womman, for costage,
And if she be riche and of heigh parage,
Thanne seistow it is a tormentrie
To soffre hire pride and hir malencolie.
Thou seist, that oxen, asses, hors, and houndes,
They been assayd at diverse stoundes;
Bacyns, lavours, er that men hem bye,
Spoones and stooles, and al swich housbondrye,
And so been pottes, clothes, and array;
But folkes of wyves maken noon assay.
But tel me this, why hydestow, with sorwe
The keyes of my cheste awey fro me?
It is my good as wel as thyn, pardee.