The Canterbury Tales: The Wife of Bath's Prologue
But wel I woot expres, withoute lye,
God bad us for to wexe and multiplye:
That gentil text can I wel understonde.
As wolde God it leveful were unto me
To be refresshed half so ofte as he!
Which yifte of God hadde he for alle his wyvis!
No man hath swich, that in this world alyve is.
God woot this noble king, as to my wit,
The firste night had many a mery fit
With ech of hem, so wel was him on lyve!
Telle me also, to what conclusioun
Were membres maad of generacioun
And of so parfit wys a wright y-wroght?
Trusteth right wel, they were nat maad for noght.